ടയറുകൾ ‘കഷണ്ടിയായി’ തുടങ്ങിയൊ, പണികിട്ടുംമുമ്പ്​ മാറ്റുന്നതാണ്​ നല്ലത്​

11:43 AM
30/06/2020

പുറത്ത്​ ചാറ്റൽ മഴ, ഉള്ളിൽ മധുരതരമായൊരു ദാസേട്ടൻ മഴപ്പാട്ട്,​ ഒപ്പം പ്രിയപ്പട്ടവർ...ഓർക്കാൻ സുഖമുള്ള യാത്രയാണല്ലെ. പക്ഷെ ഇൗ യാത്ര സന്തോഷകരമായി അവസാനിക്കണമെങ്കിൽ നാം തീർച്ചയായും ചില മുൻകരുതലുകൾ എടു​ക്കേണ്ടതുണ്ട്​. മഴയിൽ വാഹനമോടിക്കു​േമ്പാൾ ഒരു പ്രത്യേക സുഖം ലഭിക്കുന്നത്​ എന്തുകൊണ്ടാണെന്ന്​ അറിയാമൊ​?. നാം ഏററവുംകൂടുതൽ ശ്രദ്ധിച്ച്​ ആ ജോലി ചെയ്യുന്നതുകൊണ്ടാണ്​.

ഏത്​ ജോലിയും ശ്രദ്ധിച്ച്​ ചെയ്​ത്​ നോക്കൂ, അതിൽ ആനന്ദം ക​െണ്ടത്താനാകും. ലോക്​ഡൗൺ ആയതിനാൽ എല്ലാവരും സ്വന്തം വാഹനങ്ങൾ ഉപയോഗിക്കാൻ നിർബന്ധിതരാണ്​. നിരത്തിൽ വാഹനങ്ങളുടെ എണ്ണം പെരുകുന്നതിനനുസരിച്ച്​ അപകട സാധ്യതയും കൂടിവരും. 


ടയറുകളെ അവഗണിക്കരുത്​


വാഹനത്തിൽ നാം ഏറ്റവും അവഗണിക്കുന്ന ഭാഗം ടയറുകളാണ്​. വാഹനം കഴുകുന്ന കാര്യം ആലോചിച്ചുനോക്കൂ. എല്ലായിടവും വൃത്തിയാക്കിയാലും നാം ടയറുകളെ തൊടാറില്ല. മറ്റൊരു അപകടം ‘കഷണ്ടിയായ’ ടയറുകളുമായുള്ള ഓട്ടമാണ്​. ടയറുകൾ പൊട്ടിത്തെറിച്ചാലെ പുതിയത്​ വാങ്ങുള്ളു എന്ന നിർബന്ധബുദ്ധി ചിലർക്കെങ്കിലുമുണ്ട്​. ഒന്ന്​ നാമറിയുക. നമ്മു​െട വാഹനവും റോഡും തമ്മിലുള്ള ഏക ബന്ധം ടയറുകൾ വഴിയാണ്​. അത്​ ദുർബലമായാൽ വാഹന നിയന്ത്രണം കുറയുകയാവും ഫലം.

ടയറുകൾ ഗ്രിപ്പുള്ളതായി നിലനിർത്തേണ്ടത്​ മഴക്കാലത്ത്​ ഏറ്റവും പ്രധാനമാണ്​. മൊട്ടയായതൊ നൂല്​ കണ്ടതൊ ആയ ടയറുകളാണ്​ നിങ്ങളുടെ വാഹനത്തിനെങ്കിൽ എത്രയും വേഗം അവ മാറ്റുക. ടയറുകളിൽ പല ​ആകൃതിയിൽ വെട്ടുകൾ കാണാറില്ലെ. ഇവ ഭംഗി നൽകുന്നതിന്​ മാത്രമുള്ളതല്ല. ടയറും വെള്ളവുമായി ബന്ധപ്പെടു​േമ്പാൾ ഒലിച്ചു​േപാകുന്നതിനും അങ്ങിനെ റോഡും റബ്ബറും തമ്മിൽ മികച്ച ഗ്രിപ്പ്​ നിലനിർത്തുന്നതിനുമാണീ വെട്ടുകൾ നൽകിയിരിക്കുന്നത്​.

ഈ വെട്ടുകളുടെ അഭാവത്തിൽ ടയറുകളിൽ നനവുപറ്റിയാൽ ഒരു ഗ്ലാസ്​ പ്രതലത്തിലെന്ന പോലെ വാഹനം തെന്നിനീങ്ങും. ടയർ പ്രതലവും വെട്ടുകളിലെ കുഴിയും തമ്മിൽ കുറഞ്ഞത്​ രണ്ട്​ മില്ലിമീറ്റർ ആഴമെങ്കിലും വേണമെന്നാണ്​ കണക്ക്​. പ്രധാന വെട്ടുകൾക്കിടക്ക്​ കുറുകേ ചെറിയ റിബ്ബുകൾ ടയറുകളിൽ നിങ്ങൾ കണ്ടിരിക്കും. നമ്മുടെ ടയർ മാറ്റാൻ സമയമായൊ എന്ന ഇൻഡിക്കേറ്ററാണിത്​.

1.5 എം.എം മുതൽ 2​ എം.എം വരെ ആഴമുള്ള ഈ റിബ്ബുകൾ തേഞ്ഞുതീർന്നാൽ ഒന്നുറപ്പിക്കാം. ടയറുകൾ എത്രയും വേഗം മാറ്റുകയാണ്​ നല്ലത്​.  b

Loading...
COMMENTS